அமேசான்.காம் அதன் ஸ்ட்ரீமிங் மற்றும் ஸ்டுடியோ பிரிவில் பல நூறு ஊழியர்களை பணிநீக்கம் செய்ய உள்ளதாக கடந்த புதன்கிழமை தெரிவித்தது. கொரோனா தொற்றின் போது அதிகளவில் ஊழியர்கள் பணியமர்த்தப்பட்ட நிலையில் கடந்தாண்டில் அமெரிக்க தொழில்நுட்ப நிறுவனங்கள் ஊழியர்களை பணி நீக்கம் செய்து வருகின்றனர். அது தற்போதும் 2024-லும் தொடர்ந்துள்ளது.
அமெரிக்காவின் பிரைம் வீடியோ மற்றும் அமேசான் எம்.ஜி.எம் ஸ்டுடியோவில் இருந்து வெளியேறும் ஊழியர்களுக்கு புதன்கிழமை தெரிவிக்கப்பட்டதாக நிறுவனம் கூறியது. கொரோனா தொற்றின் போது ஊழியர்கள் அதிகளவில் பணியமர்த்தப்பட்ட நிலையில் அமெரிக்க தொழில்நுட்ப நிறுவனங்கள் பல கடந்தாண்டில் ஊழியர்களை பணி நீக்கம் செய்தனர். அமேசான் 27,000 க்கும் மேற்பட்ட ஊழியர்களை நீக்கியது.
"எங்கள் முதலீட்டை அதிகரிக்கும் போது சில பகுதிகளில் முதலீடுகளை குறைக்க அல்லது நிறுத்துவதற்கான வாய்ப்புகளை நாங்கள் கண்டறிந்துள்ளோம், மேலும் உள்ளடக்கம் மற்றும் தயாரிப்பு முயற்சிகளில் கவனம் செலுத்துகிறோம், அவை அதிக தாக்கத்தை அளிக்கின்றன" என்று பிரைம் வீடியோ மற்றும் அமேசான் எம்ஜிஎம் ஸ்டுடியோவின் மூத்த துணைத் தலைவர் மைக் ஹாப்கின்ஸ் ஊழியர்களிடம் கூறினார்.
2022 மற்றும் 2023-ல் அதிக பணிநீக்கங்களுக்குப்க பிறகு, பல நிறுவனங்கள் இப்போது தேர்ந்தெடுக்கப்பட்ட திட்டங்கள் மற்றும் பிரிவுகளை இலக்காகக் கொண்டுள்ளன, ஏனெனில் அவை அவற்றின் வளங்களை மீண்டும் முன்னுரிமை செய்கின்றன.
அமேசான் சமீபத்தில் அதன் அலெக்சா voice assistant பிரிவில் பணிநீக்கம் செய்தது. மைக்ரோசாப்ட் அதன் லிங்க்ட்இன் தொழில்முறை நெட்வொர்க்கில் சில ஊழியர்களை நீக்கியது.
செவ்வாயன்று ஒரு ஊடக அறிக்கையின்படி, Amazon's Twitch சேவையானது 500 ஊழியர்களை அல்லது சுமார் 35% பணியாளர்களை பணிநீக்கம் செய்ய உள்ளது என்று கூறப்பட்டுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“