வாரத்துல 3 நாள் சுரைக்காய்: இந்த வெயிலுக்கு ரொம்ப நல்லது- மருத்துவர்கள் சொல்வது இங்கே

சுரைக்காயில் பல ஆரோக்கிய நன்மைகள் நிரம்பியுள்ளன, இது உங்கள் உணவில் சரியான கூடுதலாகும், குறிப்பாக வெப்பமான கோடை மாதங்களில்.

டாக்டர் திலீப் குடே (senior consultant physician at Yashoda Hospitals, Hyderabad), சுரைக்காய் ஏன் உங்கள் உணவில் இடம் பெறத் தகுதியானது என்பதை விளக்கினார்.

கோடையில் ஒவ்வொரு வாரமும் சுரைக்காய் சாப்பிடுவது உங்கள் ஆரோக்கியத்திற்கு நல்லது, ஏனெனில் இது உடலை ஹைட்ரேட் செய்ய உதவுகிறது.      

ஊட்டச்சத்தின் பவர்ஹவுஸ்

சுரைக்காயில் அத்தியாவசிய வைட்டமின்கள் மற்றும் வைட்டமின் சி, பி காம்ப்ளக்ஸ் மற்றும் கே போன்ற தாதுக்கள் நிறைந்துள்ளது.

அதன் ஃபைபர் உள்ளடக்கம் உங்களை முழுதாக உணர வைப்பதன் மூலமும், ஒட்டுமொத்த கலோரி உட்கொள்ளலைக் குறைப்பதன் மூலமும் எடை மேலாண்மைக்கு எவ்வாறு உதவுகிறது, என்பதை டாக்டர் குடே எடுத்துரைத்தார்.

அதிக நீர் உள்ளடக்கத்துடன் (சுமார் 92%), சுரைக்காய் ஒரு இயற்கை ஹைட்ரேட்டர் ஆகும், இது கோடை வெப்பத்தை எதிர்த்துப் போராடுவதற்கு ஏற்றது.

டாக்டர் ரங்க சந்தோஷ் குமார் (consultant general physician & diabetologist at Yashoda Hospitals, Hyderabad) கருத்துப்படி, இது பொட்டாசியம் உள்ளடக்கம் காரணமாக ரத்த அழுத்தம் மற்றும் இதயத் துடிப்பைக் கட்டுப்படுத்த உதவுகிறது.

100 கிராம் சுரைக்காய், சுமார் 17 கலோரிகள் மற்றும் 2.9 கிராம் நார்ச்சத்து தருகிறது, வாரத்திற்கு இரண்டு அல்லது மூன்று முறை சாப்பிடலாம், என்று டாக்டர் குடே கூறினார்.

டாக்டர் குமார் மற்றும் டாக்டர் குடே ஆகியோர் சுரைக்காயின் நன்மைகளை பகிர்ந்து கொண்டனர்:

*சுரைக்காயின் வைட்டமின் சி உள்ளடக்கம் உங்கள் நோயெதிர்ப்பு மண்டலத்தை பலப்படுத்துகிறது, மேலும் நோய்த்தொற்றுகளில் இருந்து உங்களை பாதுகாக்கிறது.

*உடலின் இயற்கையான நச்சுத்தன்மை செயல்முறைக்கு உதவுகிறது, ஒட்டுமொத்த நல்வாழ்வை மேம்படுத்துகிறது.

*சுரைக்காய் உங்கள் தோலுக்கு நண்பன்! அதன் வைட்டமின்கள் மற்றும் தாதுக்கள் ஆரோக்கியமான தோல் செயல்பாடு மற்றும் புத்துணர்ச்சியை ஊக்குவிக்கிறது.

*உங்கள் தூக்கத்தின் தரத்தை மேம்படுத்தவும் இது உதவலாம்

*சுரைக்காயின் குறைந்த பொட்டாசியம் மற்றும் சோடியம், சிறுநீரக பிரச்சனை உள்ளவர்களுக்கு ஏற்றதாக உள்ளது.

சுரைக்காய், பொதுவாக பெரும்பாலானவர்களுக்கு பாதுகாப்பானது என்றாலும், சாத்தியமான பக்க விளைவுகள் குறித்து எச்சரிக்கையாக இருப்பது முக்கியம், என்று குமார் கூறினார்.

*சுரைக்காயில் குக்குர்பிடாசின்கள் (cucurbitacins) இருக்கலாம், இது சிலருக்கு வயிற்றில் கோளாறுகளை ஏற்படுத்தும், குறிப்பாக கசப்பாக இருந்தால். எனவே கவனமாக தேர்ந்தெடுத்து கசப்பானவற்றை தவிர்க்கவும்.

*சிலருக்கு சுரைக்காய் ஒவ்வாமை இருக்கலாம், வீக்கம், தடிப்புகள் அல்லது அரிப்பு ஏற்படலாம்.

*குறைந்த கிளைசெமிக் குறியீட்டின் காரணமாக நீரிழிவு நோயாளிகளுக்கு பொதுவாக பாதுகாப்பானது என்றாலும், அதிகப்படியான நுகர்வு மாறுபாடுகளை ஏற்படுத்தக்கூடும் என்பதால் ரத்த சர்க்கரை அளவைக் கண்காணிப்பது முக்கியம்.

*சுரைக்காய் சில மருந்துகளுடன், குறிப்பாக நீரிழிவு மற்றும் ரத்த அழுத்தத்திற்கான மருந்துகளுடன் தொடர்பு கொள்ளலாம். எனவே உணவில் சேர்த்துக் கொள்வதற்கு முன் உங்கள் மருத்துவரை அணுகவும்.

கறிகள், சூப்கள், வறுவல்கள், இனிப்புகள் என பல்வேறு வழிகளில் சுரைக்காயை அனுபவிக்க முடியும். எனவே, இந்த கோடையில், சுரைக்காயை உங்கள் உணவில் சேர்த்து, அதன் புத்துணர்ச்சியூட்டும் மற்றும் ஆரோக்கியத்தை மேம்படுத்தும் நன்மைகளை அனுபவிக்கவும்.

Read in English: This is what happens to your body if you eat lauki every week in summer

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“