ஹிட்டடித்த மஞ்ஜூமல் பாய்ஸ் : நடிகர் விஜய் முத்துவுக்கு ரஜினிகாந்த் பாராட்டு

மலையாளத்தில் வெளியாகி தமிழ் ரசிகர்கள் மத்தியிலும் நல்ல வரவேற்பை பெற்றிருந்த மஞ்ஜூமல் பாய்ஸ் திரைப்படத்தை பார்த்த நடிகர் ரஜினிகாந்த், அந்த படத்தில் இன்ஸ்பெக்டர் கேரக்டரில் நடித்திருந்த நடிகர் விஜய் முத்துவை நேரில் அழைத்து பாராட்டியுள்ளார்.

கொடைக்கானலில் நடந்த உண்மை சம்பவத்தை அடிப்படையாக கொண்டு திரைக்கதை அமைக்கப்பட்ட மஞ்ஜூமல் பாய்ஸ் திரைப்படம் தமிழக ரசிகர்கள் மத்தியில் நல்ல வரவேற்பை பெற்று வருகிறது. மலையாள இயக்குனர் சிதம்பரம் இயக்கத்தில் கடந்த பிப்ரவரி 22-ந் தேதி வெளியான இநத படம், கடந்த 2006 ஆம் ஆண்டு தமிழ்நாட்டில் கொடைக்கானலில் நடந்த உண்மை சம்பவத்தை அடிப்படையாகக் கொண்டு திரைக்கதை அமைக்கப்பட்டது.

இத்திரைப்பட குழுவினர், முதலில் குணா படத்தின் நாயகன் கமல்ஹாசனை சந்தித்து வாழ்த்துக்களை பெற்றிருந்த நிலையில், அடுத்து நடிகர் ரஜினிகாந்தை அவரது இல்லத்தில் சந்தித்தனர். மஞ்ஜூமல் பாய்ஸ் திரைப்படம் எல்லா காலத்திலும் மலையாளத்தில் அதிக வசூல் செய்த படமாக உருவெடுத்துள்ளது. இப்படத்தின் சிறப்புக் காட்சியை பார்த்த நடிகர் ரஜினிகாந்த், படக்குழுவினரை வீட்டுக்கு வரவழைத்து பாராட்டு தெரிவித்திருந்தார்.

இதனிடையே மஞ்ஜூமல் பாய்ஸ் படத்தில் இன்ஸ்பெக்டர் கேரக்டரில் சிறப்பாக நடித்திருந்த நடிகர் விஜய் முத்துவை நடிகர் ரஜினிகாந்த் நேரில் அழைத்து பாராட்டு தெரிவித்துள்ளார். சமீபத்தில் 'வேட்டையன்' படப்பிடிப்பின் போது விஜய் முத்து மீது ரஜினிகாந்த் தனது அபிமானத்தை வெளிப்படுத்தினார். இந்த சந்திப்பின்போது விஜய் முத்துவுக்கு ரஜினிகாந்த் பூங்கொத்து வழங்கி கவுரவித்தார்.

#மஞ்சும்மல்_பாய்ஸ் நடிகர் விஜய் முத்துவை நேரில் அழைத்துப் பாராட்டிய சூப்பர் ஸ்டார் #ரஜினிகாந்த் .#முண்டாசுப்பட்டி #விக்ரம்_வேதா #துணிவு #மகான் ஆகிய படங்களில் நடித்துள்ள #விஜய்முத்து ,

'மஞ்சும்மல் பாய்ஸ்' படத்தில் இன்ஸ்பெக்டர் கேரக்டரில் நடித்தார். படத்தைப் பார்த்த pic.twitter.com/1JhgmeheYX

— Sundar Bala Actor 😊 (@PROSundarbala) May 8, 2024

'வேட்டையன்' படப்பிடிப்பில் இருந்து ரஜினிகாந்துடன் விஜய் முத்துவின் சமீபத்திய புகைப்படம் சமூக வலைதளங்களில் வைரலாகி வருகிறது. ரஜினிகாந்த் 'மஞ்சுமேல் பாய்ஸ்' படத்தை ரிலீஸுக்கு முன்னதாக சிறப்புக் காட்சியில் பார்த்தார். 2024 ஆம் ஆண்டு மலையாள சர்வைவல் த்ரில்லரான 'மஞ்சும்மேல் பாய்ஸ்' பிப்ரவரியில் திரையரங்குகளில் வெளியிடப்பட்டது.

மேலும் இப்படம் ரூ 200 கோடிக்கு மேல் வசூலித்து எல்லா நேரத்திலும் அதிக வசூல் செய்த மலையாளப் படமாக மாறியது. சிதம்பரம் இயக்கிய 'மஞ்சுமேல் பாய்ஸ்' திரைப்படம் சில நாட்களுக்கு முன் டிஜிட்டல் ரிலீஸ் ஆனது குறிப்பிடத்தக்கது.